Foto: pixabay.com
Sommige vertrou op strydwaens en ander op perde, maar óns, ons vertrou op die Naam van die Here ons God. (Psalm 20:8)
Baie jare gelede het ek in Zambië geboer. Toe ons na Suid-Afrika trek, het ek ons plaas verkoop. Dit was ’n groot en pragtige plaas, met ’n standhoudende rivier aan die een kant, huisies vir die werkers en groot graderingskure waarin ek hoenders aangehou het. Ons het ook ’n pragtige huis gehad. Gegrond op die waarde van die geldeenheid in daardie tyd en die waarde daarvan van dag, het my seun bereken dat ons daardie plaas verkoop het vir dieselfde bedrag as wat ’n kassie Coca-Cola vandag kos. Wat het gebeur? Die geldeenheid het gedevalueer. Dit het my laat besef dat ons nooit ons vertroue in geld kan plaas nie.
In wie plaas jy jou vertroue? Jy kan nie op geld vertrou nie. Die waarde daarvan kan verminder en dit sal niks werd wees nie. Jy kan nie jou vertroue in ’n organisasie, ’n plaas of ’n onderneming plaas nie. Dit kan bankrot speel, en jy sal alles verloor. Jy kan selfs nie op mense vertrou nie. Hulle kan jou in die steek laat.
Psalm 31:7 sê: “Ek haat mense wat waarde heg aan die niks werd afgode; my vertroue stel ek in die Here.” Hy is die een wat ons vertroue werd is. Die Here sal ons nooit in die steek laat nie. Hy sal sy beloftes nakom, want Hy kan nie aan Homself ontrou wees nie. Selfs al is ons ontrou, Hy bly altyd getrou.
Here, ek verklaar vandag met my hele hart dat ek kies om op U te vertrou. U is die getroue God wat my nooit in die steek sal laat nie. Ek loof u Naam.
Baie dankie Here dat U in ons lewens is. Amen!
Dankie Here dat U en U alleen altyd by ons staan. U hulp, genade en liefde is die grootste. Amen
Natuurlik nie- want spoke bestaan nie.
Dankir Vader vir U hand van bewaring.
Help ons asb om gehoorsaam te wees aan U Woord.
Sonder U is ons verlore.
Dit was vemore my gebed dat ek weet U sal my nie verlaat of in die steek laat nie.
Baie dankie Here.
Genadige Here aan U al die lof en die dank en die eer…..U net U alleen is ons lof waardig…Amen