Gedagte vir die dag: Die weg, die waarheid en die lewe

woud_pad_stilte_boekevat_pixabay.jpg

Foto: pixabay.com

Tomas sê vir Jesus: “Here, ons weet nie waarheen U gaan nie; hoe kan ons dan die pad daarheen ken?” Jesus sê vir hom: “Ek is die weg en die waarheid en die lewe.” (Johannes 14:5-6)

Ons moet glo dat Jesus die weg, die waarheid en die lewe is. Hy is die wonderwerker en Hy kom weer terug.

Jesus is die weg: Jesus sê in vers 6: “Niemand kom by die Vader uit behalwe deur My nie.” Jesus wil nie hê enig iemand moet verlore gaan nie, maar almal moet berou toon en gered word (vergelyk 2 Petrus 3:9).

Jesus is die waarheid: Ons moet versigtig wees dat ons geloof nie kwyn terwyl ons ander mense se guns probeer wen nie. Ons moet die waarheid in liefde praat, maar nie ons oortuigings inboet nie.

Jesus is die lewe: God kan nie optree as ons nie in Hom glo nie. Sommige van ons aanvaar Jesus as ons Verlosser, maar nie as ons lewe nie. Ons stel Hom nie eerste nie. Wanneer ons die koninkryk van God eerste stel, sal Jesus in ons daaglikse behoeftes voorsien. Hy is ʼn wonderwerkende God en Hy sal daar wees vir ons.

Wanneer Jesus terugkeer, moet Hy ons kan herken; nie as middelmatige, louwarm Christene nie, maar as iemand wat kan sê: “Here, U is my Verlosser, U is my lewe en U is my Koning.”

Here Jesus, ek glo U is die weg, die waarheid en die lewe. Ek plaas my hele lewe vandag in u hande, Koning Jesus. Gebruik my tot u eer. Amen.

Bron: Vrede in sy teenwoordigheid deur Angus Buchan
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.

3 Kommentare

jongste oudste gewildste
Amelia Coetzer

Amen…
Dit voel so goed om hierdie te lees.
Ons dien n Almagtige God!!!

neelsie

Gee elke deel van jou lewe vir God .
ALLES behoort tog aan Hom.
Jesus wil n verhouding met jou he.
Nie net “weet van ” nie.
Gryp die kans terwyl daar nog genadetyd is!

lettie

Amen. Saam met die Here kan jy kans sien vir die hele wereld en sy probleme.