Gedagte vir die dag: Dink voordat jy praat

 kinders_gesels_woorde_stiltetyd_pixabay.jpg

Foto: pixabay.com

Sit ’n wag voor my mond, Here, hou wag oor wat ek sê.  (Psalm 141:3)

Onthou jy daardie bekende TV-program van die 1980’s en 1990’s Cheers? Dan sal jy ongetwyfeld die karakter Cliff Clavin onthou. Hy het in die storie vir die Amerikaanse posdiens gewerk en was ’n self-erkende ekspert op enige onderwerp onder die son.

Dalk ken jy ook sulke mense.

Dit maak nie saak watter tema aan die orde is nie, hulle is selfaangestelde kenners hierop. Hoor hier, dis ’n fout om ’n opinie oor alles te hê. Die Spreukeboek skryf dat selfs ’n dwaas as wys voorkom as hy leer om sy mond te hou. Om stil te bly, is soms die heel beste roete.

Wysheid is om twee keer te dink voordat jou woorde vir altyd jou tong verlaat. Vra vir die Here om ’n wag voor jou mond te sit sodat jy nie oorhaastig jou opinie lug of dwase dinge kwytraak nie. Vra die Here om jou woorde elke dag met silwer te omraam. Dink voordat jy praat.

Bron:
Op God se genadepad deur Stephan Joubert
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.