Gedagte vir die dag: Drie-eenheid

sonsopkoms_voels_stiltetyd_Marco-Brits.jpg

Apoka Safari Lodge, Uganda (foto: Marco Brits)

Nou, in hierdie laaste dae, het Hy met ons gepraat deur sy Seun. God het Hom bestem om die erfgenaam van alles te wees; trouens, Hy het deur Jesus Christus ook die wêreld en alles wat daarin is, gemaak. (Hebreërs 1:2)

As jy wag om God te hoor, kyk na Christus. Elke woord wat Jesus sê, is ’n woord van die Vader.

Van die oomblik toe die skepping van Hom geskei is, het God al hoe nader begin beweeg aan dié wat Hy liefhet. Eers het Hy deur profete, drome en visioene gepraat. Toe het Hy as God op aarde, as Christus, die Messias, gepraat. Nou woon sy Gees in jou. Jy het ’n tempel geword waardeur jy die Vader, die Seun en die Gees ervaar.

Bestudeer die woorde van Christus. Sy woorde is die woorde van God. Sy lewe wys vir ons die Vader. Sy woorde is die woorde wat die Heilige Gees binne-in jou roer. As jy Christus ken, ken jy die volle Drie-eenheid.

Bron:
Stil oomblikke met God – vir jong vroue deur Amanda Cowles
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.