Gedagte vir die dag: Elke voël sing soos hy gebek is

Apoka Safari Lodge, Uganda (foto: Marco Brits)

Aangesien julle, deur saam met Christus te sterf, die bose wêreldse magte afgesterf het, waarom leef julle nog volgens wêreldse voorskrifte soos: “moenie vat nie”, “moenie dit eet nie” en “moenie aanraak nie”? Dit is alles dinge wat verbruik word en vergaan – soos dit gaan met mensgemaakte voorskrifte en leringe. (Kolossense 2:20-22)       

Ons gebruik graag clichés soos “leef en laat leef” om onsself verdraagsaam te laat klink, maar dikwels vertel ons  harte ’n ander storie. Partykeer vertel ons ’n ander storie, agter iemand anders se rug, omdat hulle nie hulle kinders grootmaak soos ons nie of kerk toe gaan soos ons nie. Hulle hou  nie soos ons vakansie nie, of is nie so geleerd nie of kyk ander flieks as ons. Ons kom met ’n hele rits “lewensreëls” vir onsself vorendag wat ons dan verhewe bo ander mense laat voel.

Behalwe dat jou reëls nie God se reëls is nie. Ons hoef glad nie deur mensgemaakte reëls gebonde te wees nie, want Christus het ons vrygemaak (Galasiërs 5:1). Ons is vry om God in Gees en in waarheid te aanbid  (Johannes  4:24) – op al die wonderlike maniere wat by ons eie unieke konteks pas.

Bron: Uittreksel uit ʼn dagstukkie uit Soos appels van goud deur Dr. Michael Mol en Dalene Reyburn. Dié boek is die perfekte kombinasie van geestelike voedsel en fisieke welstand.
Uitgewer: Christelike Uitgewersmaatskappy/CUM