Gedagte vir die dag: Ewige blydskap

Aandster_Stiltetyd_See.jpg

Foto: en.wikipedia.org

En die ster wat hulle in die ooste sien verskyn het, is weer daar … Met dié dat hulle die ster sien, het ’n wonderlike blydskap oor hulle gekom. (Matteus 2:9-10)

Dink net hoe groot was die wyse manne se blydskap om Jesus self te sien as hulle blydskap so groot was net om die ster te sien wat hulle na Hom toe sou lei! Toe hulle die Messias vind, val hulle “voor Hom neer en aanbid Hom” (Matteus 2:11).

Maria, Elisabet, die skaapwagters, die engele, Simeon en Anna was oorstelp van vreugde oor die Messias se koms, en Johannes wat nog nie eens gebore was nie, het in die baarmoeder van vreugde beweeg in Jesus se teenwoordigheid (Lukas 1:44).

Dit is dieselfde Jesus wat die bron van ons ewige blydskap is. Aangesien hierdie mensgeworde God, wat beloof het dat Hy altyd by ons sal wees, nou deur sy Gees in ons woon, het ons sekerlik nog meer rede om vreugde te ervaar!

Jy is geskep vir die onvergelykbare vreugde wat jy slegs kan ervaar as jy Jesus ken. Slegs dan, in Hom, sal jy die lewensveranderende, sielsbevredigende vreugde ervaar wat God, in sy heerlikheid, geskep het vir jou om te geniet. – Sam Storms

Bron:  In die Teenwoordigheid van Jesus deur Randy Alcorn
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.