Alles wat die Here doen, is waar en reg, en al sy voorskrifte is betroubaar. Hulle is vir altyd geldig, en met trou en opregtheid moet dit gehoorsaam word. (Psalm 111:7-8)
“Hemelse Vader, die geskiedenis is vol voorbeelde van enkelinge wat gedoen het wat reg was in hulle eie oë – met rampspoedige gevolge! Ek weet dat ek gebore is met die begeerte om sonde te doen, en dat as ek my eie kop volg, dit my altyd sal weglei van U, die bron van alle waarheid.
Leer my om nie u pad in twyfel te trek deur my eie kop te volg nie, maar om U in alle opsigte te volg. Help my om u voorskrifte te volg, want u waarheid sal vir ewig staan.”
Here help my waar my eie begeertes die oorhand wil kry