Die Here sê: “Ontroue kinders, kom terug na My toe. Ek sal julle van julle ontrouheid genees.” (Jeremia 3:22)
“Heilige God, ek glo dat U soms ’n verandering in my hart teweegbring sodat ek ’n meer intieme verhouding met U sal begeer. Selfsugtige ambisie en geestelike blindheid ontneem my van my passie vir U, en soms moet U my bewus maak van hierdie neigings in my. U Heilige Gees oortuig my van my sonde, dring my om U te onthou, om my ontrouheid te bely en skep in my die begeerte om my verhouding met U te herstel.
Here God, dankie dat U altyd die inisiatief neem. U maak my nie net bewus van my oortredings nie, U lei my ook weer op die regte pad. U bewerkstellig nooit ’n verandering in my hart en laat my dan aan myself oor nie. Dankie dat U altyd die eerste tree gee.
Ongeag hoeveel keer ek afdwaal, U is altyd gereed om my terug te neem en my in ’n regte verhouding met U te herstel.”
Amen