Gedagte vir die dag: Die leë graf

Argieffoto (Foto: Bruno van der Kraan/Unsplash)

“Weet vir seker: Ek is vir altyd by julle, tot aan die einde van die wêreldgeskiedenis.” (Matteus 28:20)

Skrifgedeelte
Matteus 28:20

 

Oordenking
Die oorlede leier van die Christendom het nie iewers in staatsie gelê terwyl hartseer rouklaers sonder hoop verbygestap het nie. Sy graf is leeg. Jesus is nie meer daar nie. Die dood kon nie vashou aan sy heel belangrikste slagoffer nie. Op die derde dag ná sy kruisiging het Jesus uit die dood opgestaan. Die verskil tussen hoop en wanhoop is die leë graf van Jesus. Dit is die boodskap van die Nuwe Testament. Die opstanding van Jesus is die groot verskil tussen lewe en dood. Die leë graf is die antwoord op al die pyn en waansin van hierdie lewe. Die boodskap is duidelik dat ’n ander tipe lewe moontlik is. Een gevul met hoop en betekenis.

Jesus se plek in die hemel is nou weer gevul. Hy is die Een voor wie almal in die hemel en op die aarde sal buig. Die woorde van die engele daardie Sondagoggend by sy leë graf weerklink oor die hele aarde: “Hy is nie hier nie. Hy het opgestaan!”

Jesus se laaste woorde op aarde was dat Hy by ons sal wees, tot op die heel laaste dag. Ons is nie geestelike weeskinders nie; Hy is hier by ons.

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.