Gedagte vir die dag: Ons het genade ontvang

Boekevat_Tuin_Foto_Juanita_Geyer

Foto: Juanita Geyer

Julle is inderdaad uit genade gered, deur geloof. Hierdie redding kom nie uit julleself nie; dit is ’n gawe van God. (Ef 2:8)

Vir baie Christene is die woord “genade” al oorbekend. Ons het genade ontvang, ons is uit genade gered, God is genadig met ons. Maar besef ons wat hierdie woord régtig beteken? Vervlak ons nie dikwels met ons vrye gebruik van die woord die idee van genade nie?

Genade is iets wat ons glad nie verdien nie, trouens genade kan amper as die teenoorgestelde van regverdig gesien word. As gevolg van genade kry ons nie ons verdiende straf vir ons sonde nie. Ons moet nooit ligtelik met die genade wat ons ontvang het, omgaan nie. Hierdie genade het Jesus se lewe gekos. Ons moet elke dag dankbaar wees daarvoor, en hierdie dankbaarheid moet in ons dade na vore kom. Sonder God se genade sou ons vir ewig verdoem gewees het.

Sê elke dag dankie vir God vir sy wonderlike genade en leef elke dag ’n lewe wat hierdie genade regverdig.

Bron:
Hoor die hartklop van God deur Andries Enslin
Uitgewer: Christelike Uitgewersmaatskappy

 

 

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.