Foto: pixabay.com
Moenie julle leefstyl aanpas by die gedragspatrone van hierdie wêreld nie, maar laat God julle omvorm. (Romeine 12:2)
Ons probeer hedendaagse metodes op ons verhouding met God toepas. Ons lees ons hoofstuk, hou ’n kort oordenking en pak die dag haastig aan. Ons hoop om op te maak vir ons innerlike bankrotskap deur iewers ’n evangeliese byeenkoms by te woon of na nog ’n verhaal te luister van ’n godsdienstige avonturier wat pas van die sendingveld af teruggekeer het. Die tragiese resultate van hierdie gees is dat alles oor ons gaan. Oppervlakkige lewens, leë godsdienstige filosofieë, die oorbeklemtoning van die element van pret in godsdienstige byeenkomste, die verheerliking van mense, kwasigodsdienstige gemeenskappe, ’n dinamiese persoonlikheid wat voorkeur kry bo die krag van die Gees; al hierdie dinge is die simptome van ’n bose siekte, ’n diep en ernstige kwaal van die siel. ~ A.W. Tozer
Vergewe ons, Here, want ons het gesondig. Dankie, Here, dat ons altyd weer gemeenskap met U kan geniet. Amen
Toekomsvenster 27 Junie 2019 – pragtig, dankie.
Amen
Dis waarheid. Soveel mens aanbidding …… moderne afgodery is ons grootste probleem wat sommer so ongemerk maar net aan en aangaan.
Here wees ons genadig en vergewe ons en red ons van ons lamlendigheid.
In die Naam van Jesus Christus. Amen