Gedagte vir die dag: Geestelike volwassenheid

koring_stiltetyd_pixabay.jpg

Foto: pixabay.com

Julle word egter nie deur julle sondige natuur beheers nie, maar deur die Gees, want die Gees van God woon in julle. (Romeine 8:9)

Omdat jy ook ’n geestelike wese is, kan jou gees nooit bevredig word deur suiwer materiële bates nie. Jy het ’n dinamiese verhouding met die Heilige Gees nodig, want Hy alleen kan aan jou permanente bevrediging gee. Hierdie intiem persoonlike verhouding met God is bereikbaar deur ’n positiewe geloof in die opgestane Christus.

Geloof in die lewende Christus is baie meer as ’n verbygaande emosie. Dit is die aanvaarding van sy gesag langs die hele linie van jou lewe af. Dis die vrywillige toelating van sy Gees om Hom deur jou lewe te openbaar.

Met hierdie aanvaarding is daar besliste groei tot geestelike volwassenheid en dit gee aan jou lewe ware betekenis.

Ek wil nooit van U geskei word nie. Ek wil in u liefde bly en ’n vrugbare loot in u koninkryk wees. Ek wil U verheerlik. Amen.

Bron: Mini-Oordenkings – Genade vir elke oomblik deur Solly Ozrovech
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

4 Kommentare

jongste oudste gewildste
Johan

So baie dankbaar Here dat U in ons lewens is. Dankie vir al U genade en seëninge Here. Amen!

Hallelujah

My God ek staan vandag op my kniee voor U my God en vra U om saam met my te wees met belangrike besluite wat ek moet neem. Besluite wat my lewe baie gaan verander. Help my my God om die regte besluit te neem. Dankie my God Amen.

christine

AMEN Loof Sy Naam.