Foto: organicguide.com
Daar is allerlei keurige vrugte by ons deur, vars en oud; ek het hulle vir jou gebêre, man wat ek liefhet. (Hooglied 7:13)
Die geliefde bruid wil vir Jesus alles gee wat sy kan. Ons harte is gevul met “allerlei keurige vrugte, vars en oud”. Ons het die nuwe: ons loop oor met nuwe lewe, nuwe vreugde en nuwe dankbaarheid.
Maar daar is ook die oue. Daar is ons “eerste liefde”. Dit is een van ons keurigste vrugte en Jesus verheug Hom daarin. Daar is ons aanvanklike geloof; die eenvoudige geloof wat ons uit absolute armoede gebring het en ons toegelaat het om te deel in God se groot rykdom. Daar is die vreugde wat ons gehad het toe ons die Here pas leer ken het. Watter seëninge of talente of deugde ons ook al het, kom ons gee dit alles vir ons Geliefde. Dit is wanneer dit die helderste skyn: wanneer Jesus se heerlikheid die doel van ons siel is.
Baie dankie vir n pragtige oordenking met substans.