Gedagte vir die dag: God gee blydskap ná hartseer

koring_somer_son_pixabay.jpg

Foto: pixabay.com

Wie met trane saai, sal die oes met gejuig inbring. Al loop hy en huil terwyl hy die saaisak dra, hy kom juigend terug terwyl hy sy gerwe dra. (Psalm 126:5-6)

God belowe vir sy kinders blydskap ná hartseer. Ná die hartseer van die ballingskap kon God se volk vol vreugde terugkeer na hulle eie land omdat God dit vir hulle moontlik gemaak het. Dié mense wat nou met trane saai, kan met vertroue uitsien na dié dag wanneer hulle die oes met blydskap sal insamel.

God kan jou omstandighede verander. Hy gee altyd blydskap ná hartseer. Hy wil vandag jou hartseer in uitbundige oestydvreugde verander.

Dit is nutteloos om vir God te vra vir ’n gelukkige lewe solank ons weier om onsself aan Hom oor te gee. ~ CS Lewis

Bron: Hoop vir vandag deur Nina Smit
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Yvonne ·

Neem my lewe laat dit Heer U gewy wees meer en meer……..Amen

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.