Gedagte vir die dag: God red ons

reënboog.jpg

Foto: credomag.com

Sonde maak dat ons nie net vir God wil wegkruip nie, maar vervreem ons van God. Dis hoekom Jesus aarde toe gekom het sodat Hy deur die kruisdood die straf vir sonde namens ons kon dra. Deur sy dood en opstanding kan ons die ewige lewe beërf en hoef ons nie in vrees vir God te lewe nie.

Jesus se dood het ’n einde gebring aan die oordeel oor elkeen wat Jesus se offer aanvaar. Ons hoef nie meer vir God weg te kruip nie, want Hy red ons.

Ons het dus nou deur die bloed van Jesus volle vrymoedigheid om in die hemelse heiligdom in te gaan. Hy het hierdie nuwe, lewegewende pad wat deur die binneste voorhangsel tot by God gaan, vir ons opgemaak deur vir ons te sterf. (Heb 10:19)

Vir hulle wat aan Christus Jesus verbind is, is die oordeel nou heeltemal weggeneem. (Rom 8:1)

Bron:
’n Anker vir die siel deur Riekert Botha
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae