Gedagte vir die dag: God se krag in jou

Ligtoring_stiltetyd_pixabay.jpg

Foto: pixabay.com

Deurdat ons Hom regtig ken, het sy Goddelike krag ons alles laat kry wat ons nodig het om naby aan Hom te lewe. Hy het ons geroep om sy heerlike goedheid te ontvang! (2 Petrus 1:3, NLV)

Petrus rig sy tweede brief aan mense wat sy geloof deel. God se krag in ons gee vir ons alles wat ons nodig het om naby Hom te leef; Hy het ons geroep om aan die ontvangkant van sy genade te wees, verseker hy hulle. Deur hierdie krag laat God ook elke belofte in sy Woord vir ons waar word. Hoe beter ons Hom ken, hoe meer word sy krag in ons lewens geopenbaar en hoe makliker word dit vir ons om te leef soos Hy van ons verlang.

Eers wanneer jy God se wonderwerkende krag in jou eie lewe ontplooi, raak dit vir jou moontlik om Hom voluit te dien. Hoe beter jy God ken en hoe nader jy aan Hom leef, hoe meer sal Hy daardie krag tot jou beskikking stel en aan jou die gawes van sy Gees gee.

Hemelse Vader, ek loof U vir u Goddelike krag wat U tot my beskikking stel. Met daardie krag is ek tot alles in staat. Help my om my gawes elke dag uit te leef. Amen.

Bron:
Geskenk van genade deur Nina Smit
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

2 Kommentare

Loretta ·

Haleluja,Prys die Here,Sy Godelike krag gee my moed om elke dag voluit te lewe in Sy wonde!! Amen!

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.