Foto: Annelize Brits
Moenie julle leefstyl aanpas by die gedragspatrone van hierdie wêreld nie, maar laat God julle omvorm deurdat Hy julle denkpatrone vernuwe. Dan sal julle goed kan onderskei wat Hý wil hê dat julle moet doen, naamlik dit wat werklik goed en aanvaarbaar en volmaak is. (Romeine 12:2)
As God gereed is om jou vir ’n spesifieke taak te roep, sal Hy dit voortdurend in jou gedagtes bring. Jy sal graag wil doen wat God wil hê jy moet doen; jy sal weet dit is wat jy veronderstel is om te doen. Dan sal geleenthede om te dien, volg. Gryp dit aan. Moenie dat geleenthede by jou verbygaan en veroorsaak dat jy alles misloop wat God vir jou wil gee as jy doen waartoe Hy jou roep nie.
Is jou ore gespits vir God se roepstem?
