Gedagte vir die dag: God staan by wat reg is

wolke_see_sonondergang_stiltetyd_Juanita-Badenhorst.jpg

Foto: Juanita Badenhorst

Die Here is altyd op sy troon; op sy regterstoel is Hy steeds gereed vir die regspraak. (Psalm 9:8)

Een van die bekendste beelde vir God is as ’n Regter. Ons lees dikwels in die Bybel – soos hier – dat Hy ’n regverdige Regter is. Ons lees ook dat Hy van ons “geregtigheid” eis, maar wat beteken dit nou eintlik? Wel, geregtigheid het twee kante. Ons moet eerstens reg wees teenoor God, wat behels dat ons moet doen wat Hy vra, en dan moet ons ook reg wees teenoor mense, wat behels dat ons altyd met absolute regverdigheid sal optree. Laat ons dus ’n “regverdige” wees, soos die Ou Testament so iemand noem.

God se geregtigheid behels ook die volgende waarheid: God staan duidelik aan die kant van wat reg is, nooit aan die kant van wat verkeerd is nie. As ons saak dus reg is, staan God by ons – of ons by Hom. Met so ’n saak kan ons maar voortgaan. Moet jou egter nie begeef in enige onreg nie, want God is nie dáár nie! Hy eis reg en geregtigheid.

Ewige Regter, maak my volkome regverdig, maar laat my regverdigheid ook genade insluit. Amen.

Bron:
Hou vas aan die Hoop deur Jimi le Roux
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.