Gedagte vir die dag: God voorsien

sonsopkoms_rustig_stiltetyd_pixabay.jpg

Foto: pixabay.com

Die armes wat roep, sal hy verlos, ook die verdrukte sonder helper. (Psalm 72:12) – Deel 2

Moenie bang wees om op die plek te beland waar jy geen helper het nie, want dit is die plek waar jy, soos Jakob, ’n verlossende God sal ontmoet. Moenie te gretig wees om vry te wees van behoeftes nie, tensy jy ook vry wil wees van kragtige gebed. Aanvaar dit net soos God dit stuur of toelaat om te gebeur. Die oomblik wanneer jy ’n behoefte het, onthou ook dat jy by ’n belofte gekom het. “Die armes wat roep, sal hy verlos.” Om ’n behoefte vry te spring, kan beteken dat jy ’n wonderwerk misloop. Die oomblik wanneer een in jou lewe verskyn, moet jy jou nie begin bekommer omdat dit daar is nie, maar loof God omdat Hy daarin sal voorsien. ~ Anoniem

Ek loof U, Here, vir my behoeftes waarin U wil voorsien. Amen

Bron:
Wysheid uit die Woord deur Troy Johnsen
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.