Gedagte vir die dag:  Groeiende moegheid

vrou_sonsondergang_dink_see_staar.jpg

Foto: stringsofsoulfulness.com

Moenie hierdie vertroue in God deur julle vingers laat glip nie. Dit hou vir julle ’n groot beloning in. Wat julle nodig het, is om te volhard sodat julle kan voortgaan om God se wil te gehoorsaam. (Hebreërs 10:35-36)

Het jy moeg geword om goed te doen? Dit kom ons almal oor. Die Bybel waarsku ons teen toenemende moegheid. Wanneer dinge nie vinnig genoeg gebeur nie, verloor ons ons geesdrif vir dit wat ons doen. God moedig ons aan om voort te gaan; daar sal ’n deurbraak kom, maar dit sal volgens sy tydsberekening gebeur, nie ons s’n nie. As jy vandag na aan moed opgee is, neem al jou bekommernisse en frustrasies na God toe. Laat God jou verfris en vra Hom vir bemoediging. Moet net nie moed opgee nie.

Ons moet ons “geestelike spiere” oefen. Soos ek al voor heen gesê het, as ons nie vorentoe beweeg nie, gaan ons agteruit beweeg. Geloof kan nie stilstaan nie. God kan dalk iets kleins aan jou toevertrou, maar as jy nie getrou is in die klein dingetjies nie, sal jy ook nie enigiets anders kan doen nie.

Ek persoonlik wil graag soveel moontlik vir die Here doen terwyl ek nog hier op aarde is. Ek weet nie waartoe God jou roep nie. Ek bid net dat jy ’n besluit sal neem om dit met jou hele hart te doen en nie moedeloos te raak nie.

Almagtige Vader, ek het bemoediging nodig. Help my om dinge te sien soos U dit sien. Verkwik my, asseblief; en praat met my oor die klein dingetjies wat ek ignoreer. Ek vertrou U vandag vir genade en krag. Amen.

Bron: Vrede in sy teenwoordigheid deur Angus Buchan
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

neelsie ·

Onbelyde sonde vorm n muur tussen ons en God.
Laat die Heilige Gees toe om jou lewe te vul,dan sal jy God se stem deur Sy Woord hoor.

Frikkie ·

Neelsie, so maklik as dit. Maar nee, GOD is verban uit skole, vergaderings en uit ons sitkamers en binnekamers, daarom dat die wêreld in so ‘n gemors is.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.