Foto: pixabay.com
U groot dade, Here, het my baie bly gemaak. (Psalm 92:5)
Glo jy dat jou sonde vergewe is; dat Christus volkome daarvoor betaal het? Dan behoort jy baie bly te wees. Met daardie versekering kan jy ’n lewe lei wat verhewe is bo die algemene beproewings en probleme van dié wêreld. Wees ook dankbaar en liefdevol. Hou vas aan die kruis wat jou sonde weggeneem het. Dien die Een wat jou gedien het.
Moenie dat jou liefde vir God verdamp na ’n paar lofsange nie. Druk jou liefde op sterker maniere uit. Wees lief vir die broers en susters van die Een wat jou liefhet. Aangesien jy vrylik in Christus vergewe is, gaan vertel ander van hierdie vreugdevolle nuus van God se genade. Heilige vreugde en heilige moed maak ’n goeie prediker. Vreugdevolle heiligheid bied die kragtigste boodskap.
Dankie Here dat U in ons lewens is. Amen !
Dankie Heer dat u gesterf het vir my sondes groot voorreg om U te ken en om U in my lewe te he. Ek is waarlik lief vir U.