Luister, Here, en wees my genadig. Help my tog, Here! (Psalm 30:11)
Partykeer spruit ons woede en frustrasie uit ’n gevoel van hulpeloosheid. Ons sit vas in die verkeer, of midde-in onopgeloste familiedrama, of verstrengel in finansiële probleme of herstrukturering by die werk … en dit laat ons heeltemal magteloos voel.
Toe Jesus gesterf het en weer opgestaan het om by sy Vader in die hemel te gaan heers, het Hy ons nie alleen hier gelos nie. Hy het vir ons die Heilige Gees gegee om vir ons ’n Raadgewer, ’n Helper en ’n Troos te wees (Johannes 14:1617). Hy is ons toevlug – altyd en oral daar vir ons. Hy is maar net ’n hartklop weg van jou gespanne self. Roep na Hom vir hulp – sommer nou dadelik – en Hy sal jou die hoop en vertroosting gee wat jy nodig het. Weet dat niks wat jy nodig het te groot of te onsinnig is om sy krag en sy aandag te verdien nie.
Dankie Here dat U my nog nooit versaak het nie….U wonderbare krag en genade is elke dag nuut…Amen
Amen!