Gedagte vir die dag: Hoe wil jy dan leef?

See-strand-Nathan-Steyn.jpg

Foto: Nathan Steyn

Tree onder hulle op as ligdraers  in die wêreld deur die woord  van die lewe uit te dra. (Fil 2:15-16)

Hier is ’n eenvoudige vraag: Wil jy gewoon wees of wil jy buitengewoon wees? Ek dink ons almal sê “buitengewoon”. Buitengewone huwelik, buitengewone pa vir my kinders, buitengewone ma, buitengewone werker, buitengewone Christen. Ek wil dit doen, ek wil dit leef. Maar hoe leef ons dit? Hoe word ek en jy buitengewoon?

Nie net is dit ’n keuse om buitengewoon te leef nie, dit is ook ’n Bybelse opdrag. Hoe kan mense sien ons leef buitengewoon? Hulle moet kan sien ons is ligdraers in die wêreld wat die woord van die lewe uitdra.

Wil jy buitengewoon leef? Ek wil. Wil jy die Here dien? Ek wil beslis. Wil jy die volk draai? Ek wil die volk draai en ek wil sien hoe Suid-Afrika weer die Here dien. Hoe gaan ons dit regkry? Deur naby aan die Here te leef en altyd net te doen wat Hy van ons vra, of dit nou maklik of moeilik gaan wees.

Bron:
Hoor die hartklop van God deur Andries Enslin
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae