Gedagte vir die dag: Hoop in die woestyn

woestyn.jpg

Foto: pixabay.com

Drie dae lank het hulle deur die woestyn getrek en geen water gekry nie. Toe hulle by die plek Mara kom, was daar uiteindelik water. Die water was egter brak en hulle kon dit nie drink nie. Dit is hoekom die plek Mara genoem is. Die volk het toe by Moses gaan kla: “Wat moet ons dan drink?” (Eksodus 15:22-24)

Het jy al hard gesoek of lank gewag vir dit wat jy nodig het, net om teleurgesteld te wees wanneer jy dit eindelik kry? Die werk wat jy aanvaar het, is ’n doodloopstraat. Ongeskikte bure beroof julle van die vreugde van julle nuwe huis. Julle swaar verdiende spaargeld word deur onverwagte onkostes opgeslurp. Julle dink julle is amper by julle bestemming, maar dan duik daar probleme op.

Moenie toelaat dat struikelblokke julle geloof laat wankel nie. Weerstaan die versoeking om julle te bekommer en om te kla terwyl julle wag. Onthou: “Ons besef dat die swaarkry ons leer om te volhard. Op sy beurt kweek volharding betroubaarheid van karakter; en betroubaarheid van karakter versterk ons toekomsverwagting. En hierdie toekomsverwagting sal ons nie teleurstel nie, want ons weet hoe lief God ons het. Hy het sy liefde mos in ons harte uitgestort deur sy Heilige Gees wat Hy aan ons gegee het.” (Romeine 5:3-5)

Bid en vra vir die Here om vir julle te sorg. Hou vas aan die hoop en vertroue dat Hy sal voorsien wat julle nodig het.

Here, gee vir ons geloof om te glo dat U in ons behoeftes sal voorsien. Dankie vir die hoop wat ons in U het. Amen.

Bron:
Mnr & Mev – 366 oordenkings vir egpare deur Rob & Joanna Teigen
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

4 Kommentare

Lena Jonk ·

Geloof, hoop en liefde en gereeld bid, wat mense nie meer doen nie.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.