Foto: pixabay.com
Die Gees staan ons ook in ons swakheid by: ons weet nie wat en hoe ons behoort te bid nie, maar die Gees self pleit vir ons met versugtinge wat nie met woorde gesê word nie. (Romeine 8:26)
God gee sy Gees om sy kinders te leer om op die regte manier met Hom te kommunikeer. As ons nie weet wat om te bid nie; as ons self nie die regte woorde het om met God te praat nie, pleit die Heilige Gees vir ons by God, dra Hy ons versoeke tot voor God se troon.
Net soos ’n advokaat die beskuldigde in die hof verdedig, verdedig die Heilige Gees jou saak by God wanneer jy sonde gedoen het.
Die Heilige Gees is die eerste deposito van ons toekomstige verlossing. ~ WIillie Jonker
Dankie Here Jesus dat U die Heiligees gestuur het om by ons te wees ons Voorspraak as ons stom raak…Amen