Gedagte vir die dag: Hy sal jou styf vashou

seuntjie_pa_stiltetyd_pixabay.jpg

Foto: pixabay.co.za

Ek is die Here. Omdat Ek getrou is aan my verbond, het Ek jou geroep. Ek hou jou vas, Ek beskerm jou. (Jesaja 42:6)

God is nie soos ’n mens wat jou kan teleurstel nie. Hy is die Here – Jahwe, wat is wat Hy is, en sal wees wat Hy sal wees. Hy verander nooit. Keer op keer verwys Hy terug na sy verbond. God se verbond met sy volk staan vas. Die verbond is God se kontrak met sy volk wat Hy met sy eie bloed verseël het. Hy kan nie en sal nie teruggaan op sy beloftes nie.

Onthou, deur Christus (aan wie hierdie woorde eerstens gerig is) is ons deel van sy volk en sy verbond. Al kom ons nie ons kant van die verbond na nie, Hy kom sy kant na. Al is ons ontrou, Hy bly getrou. Dis wat die Skrif sê.

Sy belofte is dat Hy vir jou ’n God sal wees, en dat jy vir Hom ’n kind sal wees. Hy belowe dat Hy jou sal vashou, jou sal beskerm, jou sal deurdra – veilig – tot aan die einde. Al kos dit wat – Hy onderneem dit.

Dankie, Here, dat U by hierdie belofte geteken het. Amen.

Bron:
In die lig van sy genade deur Jimi le Roux
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Chris Smith ·

Wow hoe groot is U – dankte via U wonderlijke Vaderskap wat ons soos klein kindertjes bewaar en instant hou

BOLANDER ·

Dankie Pappa Vader dat U my weereens verseker dat U my en my sterwende Boeta en familie styf vashou tot aan die einde.

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.