Mag daar vrede wees binne jou mure, rus in jou paleise. Ter wille van my broers en vriende is my wens: “Mag daar vrede in jou wees!” (Psalm 122:7-8)
Toe Jesus Christus na ons wêreld toe gekom het, is vrede aangekondig. Toe Hy ons wêreld verlaat het, het Hy vrede na gelaat; tog is vrede iets wat nie alle mense beskore is nie – of so lyk dit. Ware hemelse vrede is iets anders as wat die wêreld verwag. Dis nie tye sonder oorlog en fisiese rus nie. Dis nie ’n huis waarin mense nie woordewisselings het nie.
Ware vrede is vrede tussen God en mens. Dit is ten diepste wat elke mens nodig het en wat elke mens behoort te begeer. En dit is wat Jesus kom bewerkstellig het. Hy het vrede na gelaat, want Hy het God se toorn oor die sonde in ons plek kom dra.
Dierbare Meester, laat my die gawe van vrede met ander deel sodat hulle U ook kan leer ken. Amen.
U vrede gaan die verstand te bowe..dankie Here
“Ek kom nie om vrede te bring nie, maar ‘n swaard”