Foto: pixabay.com
Hierdie soort swaarkry maak juis deel uit van dit waartoe God julle geroep het. Christus wat vir julle gely het, is julle voorbeeld. Volg in sý spore. Hy het self ons sondes in sy liggaam aan die kruis gedra. Só is ons vry van die sonde. (1 Petrus 2:21, 24, NLV)
Soms verwag God van sy kinders om onverdiend swaar te kry.
Die slawe van Petrus se tyd is soms onregverdig behandel, maar Petrus vra van hulle om gehoorsaam aan hulle eienaars te bly. Wanneer hulle dit doen, volg hulle Jesus se voorbeeld. Hy het die straf vir ons sondes onskuldig aan die kruis gedra, sodat ons nou vry van sonde kan wees. Petrus beklemtoon die feit dat ’n mens die genade sal kry om lyding te verduur mits jy dit ter wille van Jesus doen.
Om straf te verdra as jy dit verdien, is alledaags, maar die mense wat gewillig is om onskuldig te ly soos Jesus gedoen het, sal aan die ontvangkant van God se genade wees. Omdat Jesus in jou plek gestraf is, maak Hy dit vir jou moontlik om na God terug te kom.
Here Jesus, ek loof U dat U gewillig was om in my plek vir my sondes te betaal sodat ek God se straf kon vryspring. Amen.
Ai, Oom Herrie, dít was nou ‘n vrolikheid met die gevliegery. Vertel asseblief èlke Maandag sulke lekkerlag storie toe? Ons is so moeg van die naweek se skandes en skades en politiek en waarskuwings dat ons oudag-se-geldjies nie gaan hou nie! Ek voel sommer vrolik en verfris! Gee vir die man ‘n Bells, toe Maroela?