Gedagte vir die dag: Jy is nooit alleen nie

son_hoop_wolke_stiltetyd_pixabay.jpg

Foto: pixabay.com

Wanneer jy deur diep water van moeilikheid gaan, sal Ek by jou wees. Wanneer jy deur riviere gaan, sal hulle jou nie wegspoel nie. Wanneer jy deur vuur van verdrukking stap, sal jy nie verbrand nie. Die vlamme sal jou nie verteer nie. (Jesaja 43:2)

Oorweldig smart jou vandag? Storm golwe van druk en stres teen jou aan? Is mense se behoeftes en verwagtings besig om jou onder te kry? Is woede besig om ’n moeilike verhouding te verteer?

Die Here is by jou in jou moeilikste tye.

Deel vandag jou diepste vrese met God. Wat is besig om jou te oorweldig? Watter situasies voel hooploos? Wat het jy verloor wat nooit vervang kan word nie? Wie is jou vyande? Wat is te moeilik om hoegenaamd op jou eie te hanteer?

Vertrou op God se belofte dat Hy altyd daar is. “Op elke manier word ons onder druk geplaas, maar ons is nie verpletter nie; ons is verward, maar nie wanhopig nie; ons word vervolg, maar nie in die steek gelaat nie; platgeslaan, maar nie vernietig nie.” (2 Korintiërs 4:8-9) Moenie toelaat dat die storms julle geloof in sy liefde laat wankel nie. Hy sal julle veilig bewaar.

Here, wanneer ons hartseer en bang is, gee vir ons die geloof om te glo dat U daar is. Gee vir ons hoop en vrede terwyl ons deur alles op U bly vertrou. Amen.

Bron:
Mnr & Mev – 366 oordenkings vir egpare deur Rob & Joanna Teigen
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Lena Jonk ·

Jes 43 is vir my van die mooiste gedeeltes in die Bybel. Was ook my oorlede pa se geliefde verse, dit ook op sy begrafnis laat lees. Dit se so baie vir ons.

Dries ·

Dis waar Lena, nog ‘n pragtige deel van Jesaja is Jesaja 53

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.