Gedagte vir die dag: Jy is soveel meer as …

Foto: pixabay.com

Dis Ek wat vir Sion sê: “Jy is Myne.” (Jesaja 51:16c)

Die film Amadeus vertel die verhaal van Salieri, ’n musikant, wie se siel deur jaloesie versuur is. Hy het gedroom om musiek vir God te maak en daardeur ook beroemd te word. Die probleem was dat hy nie so goed soos Mozart was nie. Mozart, weet ons, was geniaal en kon letterlik ’n simfonie in sy kop komponeer. Iets wat min mense in die geskiedenis kon doen. In plaas daarvan dat Salieri Mozart se uitsonderlike talent erken, was hy woedend teenoor God wat so onregverdig is. Hy het letterlik beleef dat God Mozart liewer het as vir hom.

Hoe tragies is dit as Salieri – en dikwels ook ek en jy – God se liefde meet aan die mate waartoe ons met talente en gawes geseën is. En dat ons waarde gemeet behoort te word aan dit wat ons het en bereik.

Hoor weer vandag: Dit wat jy het, bereik, bymekaarmaak en doen, bepaal nie God se liefde vir jou nie. Hy het jou oneindig lief met en sonder alles in en om jou.

Vandag hoor ek U sê: “Jy ís regtig Myne.”

Bron: Krag vir elke dag deur Milanie Vosloo
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.