Foto: pixabay.com
By U is die fontein van die lewe, in u lig sien ons die lig. (Psalm 36:10)
Die keuses wat jy vir vandag maak, is keuses wat jou toekoms en die toekoms van jou geliefdes vorm. Jy soek na God se wil. Jy begeer wysheid. Maar tog wil die hart soms hê wat die hart wil hê. Jy baklei teen jou eie wil.
Ook hierdie stryd vorm jou. Dis belangrik vir jou geloof, vir jou verhouding met Christus. Hou styf aan God vas. Neem weer en weer jou keuse en jou begeerte na Hom toe. Bestraf jou eie wil as dit moet, en moenie talm wanneer die oomblik van helderheid kom nie. Wanneer jy in jou gees weet wat God verkies, haas jou daarheen.
As jy egter aanhou om gedagtes aan jou eie wil te koester, sal Hy jou laat begaan om jou eie kop te volg.
