’n Mens moet gelowig bid en nie twyfel nie. So ’n mens wat altyd aan die twyfel is, moet nie dink dat hy iets van die Here sal ontvang nie. (Jakobus 1:6-8)
Wanneer jy bid en jy ontvang nie, moet jy mooi gaan dink of jou onverhoorde gebede nie dalk die direkte gevolg van jou ongeloof is nie. Glo jy werklik dat God vir jou dié dinge kan (en sal) gee wat jy van Hom vra? Indien jy steeds twyfel, moet jy nie verwag om iets van die Here te ontvang nie.
Die rede vir baie van jou onverhoorde gebede is jou kleingeloof. Mense wat twyfel, ontvang nie die dinge wat hulle van God bid nie.
Wanneer jy aan geloof dink, moet jy terselfdertyd aan twee ander woorde dink: gehoorsaamheid en geduld. ~ Francois Theron
Dankie genadige Heer vir soveel onverdiende seen….dat ek verseker kan weet dat U my gebede hoor en U wil sal geskied…tot in alle ewigheid