Argieffoto: pixabay.com
Ek het in U bly glo, selfs toe ek gedink het dit is klaar met my. (Psalm 116:10)
Die psalmdigter ondervind keer op keer dat God hom red, ook in tye wanneer sy lewe regtig in gevaar is. In hierdie tye van aanvegting kon hy dit regkry om in God te bly glo, selfs toe hy gedink het dit was klaar met hom.
Geloof en vertroue werk nog steeds in krisistye. Alhoewel jou probleme soms onoorkomelik lyk, kan jy verby die probleme kyk en vir God raaksien. Jy kan in Hom bly glo, al dink jy dit is klaar met jou.
Wanneer dinge onmoontlik lyk, kan ons wéét: God kan ook die onmoontlike moontlik maak. ~ Martin Luther
