Foto: pixabay.com
U het vir my meer vreugde verskaf as dié met graan en wyn in oorvloed. (Psalm 4:8)
Dis waar. Die léwe en sy mense kán ons onderkry. Ons vreugde steel. Dís waarom ín God leef ons help om wyer te kyk as ons eie klein gemoed, hoër te kyk as ons oogvlak-lewe en Hóm te sien. Hoor hoe skryf Augustinus in sy Confessions:
But when unknown to me you caressed my head, and when you closed my eyes lest they see things that would seduce me, I began for a little while to forget about myself, and my madness was lulled to sleep. When I awoke in you, I saw very differently, infinite in a very different sense. But what I saw was not seen with the eye of the body.
Gooi vandag saam met Hester Heese die luike van jou lag-hart oop omdat jy beleef: Hy is ín jou.
Ek gooi my luike wawyd oop. My oë kuier by die vlamrooi dag. My mond kry vanself sy lag. Ek stoot my vensterrame hoog op. My hart wil jubel, wil juig. Ek soek vir my ’n plekkie eenkant om voor die Allerhoogste te buig.
U is in my. Ek in U. Daarom, Heilige, het ek ’n diepe vreugde. Ondanks.
