Jesus het vir die mense gesê: “Ek is die lig vir die mensdom. Wie My aanhou volg, sal nooit in die duisternis leef nie, maar sal die lig hê wat lewe gee.” (Johannes 8:12)
Laat toe dat jou hart, jou verstand en alles wat jy deur die dag doen, jou al hoe nader aan Christus trek. Hoe nader aan Christus jy leef, hoe nader aan Hom jy leer om te bly, hoe helderder skyn sy lig. Die lig van Christus onthul elke waarheid. Wanneer jy die waarheid sien, kry jy lewe. Jy kan eerder in die ware konteks van die lewe wandel as in die skaduwee van die duisternis.
In die skaduwee kan jy dalk allerhande valse idees begin glo en daarvolgens begin leef. Wanneer jy egter naby Christus woon, sien jy die hele skepping soos wat dit waarlik bestaan. Jy sien die skepping binne die konteks van God se storie, binne die konteks van Christus en sy doel.
Christus is die lig. Hy is die enigste lig.
Bron:
Stil oomblikke met God – vir jong vroue deur Amanda Cowles
Uitgewer: Christelike Uitgewersmaatskappy