Luister:  Griekwagebed –  Mooierder assie son

Argieffoto (Foto: Kristian Egelund/Unsplash.com)

Mooierder assie son

Kois, jy’s bitterlik mooi,
mooierder assie eerste son
wat smoors orie dyne kom,
jy’sie strale oppe springbokooi,
ennie dou sit krale om jou se nek.
Agtermirrag assie son wil watertrek,
is jy ‘n gemsbok wat tenie dyne stryk,
ennie oudag isse kettankie koper
wat jy oor jou se skouerse hang.
Ek raak virrie son nog meerderder lief
as jou se oge sos kwartels oor my vlieg.

Liefste Koib

Die stem wat ek hoor, is syne,
kyk hoe vinnig hol hy orie dyne,
‘n gemsbokbul wattie skynste afsak,
derie oenerste strate en orie vlak.

Swierag sosse mannetjiesvolstrys
trippel hy tot hie reg by onse hys,
hy stat loer my met hy se oge saam:
dan sê hy doeksaf net my eige naam.

Voorgelees en opgeneem deur Veronica Geldenhuys uit Boegoe vannie liefde geskryf deur Hans du Plessis en uitgegee deur Lapa Uitgewers.