Vergeef ons ons oortredings soos ons ook die vergewe wat teen ons oortree. (Matt 6:12)
“Ek verstaan nie. Het God ons nie vergewe volgens die offer van Jesus aan die kruis nie? Hoe leer Jesus dan sy dissipels so andersom?” Dis reg, ja. God het deur die bloed van Jesus voorsiening gedoen is. Maar dis nie al wat gesê moet word nie. Daarmee saam leer Jesus sy dissipels niemand kan die barmhartigheid van God aanvaar, weier om dit aan ander ook te gee, en dan daarmee wegkom nie.
God is ons in Jesus sonder verdienste genadig. Hy verwag dat ons hierdie genade aan alle mense, ongeag die omstandighede, sal gee. As ek weier om dit te doen, staan ek voor God skuldig vir die minagting van sy genade.
Moenie vergifnis ligtelik opneem nie. Om die oortreders in jou lewe te vergewe, is nie ʼn voorstel nie. Dis ʼn direkte opdrag van die Lewende God.