Gedagte vir die dag: Moenie tou opgooi nie

koring_stiltetyd_pixabay.jpg

Foto: pixabay.com

Moenie moeg word om goed te doen nie, want as ons nie tou opgooi nie, sal ons op die regte tyd oes. (Galasiërs 6:9)    

As jy al ooit vasgebyt het met iets ten spyte van alles wat teen jou getel het en ten spyte van die feit dat jy gevoel het jy maak geen vordering nie, sal jy weet wat ’n wonderlike verrassing dit is as jy op ’n dag skielik besef: “Ek is besig om dit reg te kry!” Dis presies soos saadjies wat diep onder die grond geplant is: Jy gee water, jy wag, jy hou aan water gee … en net sodra jy begin lus raak om tou op te gooi, verskyn daar eendag ’n groen loot bo die grond.

As God vir jou grond gegee het om te ploeg, sál die groen lote verskyn. Hy is voortdurend besig om dinge te laat groei daar waar jy nie kan sien nie. Dit voel dalk of niks gebeur nie – jou kinders reageer nie; jou baas sien nie raak wat jy doen nie. God gee jou egter altyd die versekering dat jy op die regte tyd sal oes wat jy gesaai het.

Bron: Uittreksel uit ʼn dagstukkie uit Soos appels van goud deur Dr. Michael Mol en Dalene Reyburn. Dié boek is die perfekte kombinasie van geestelike voedsel en fisieke welstand.
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Nou pra' jý

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.

2 Kommentare

jongste oudste gewildste
Zelda

Dankie Abba Vader dat U altyd aan die werk is, al kan ons dit nie altyd sien nie…

Yvonne

Dankie Here dat ek volkome op U kan vertrou…U wil geskied…Amen