Foto: Juanita Badenhorst
Mag julle sy liefde ken, liefde wat ons verstand te bowe gaan, en mag julle heeltemal vervul word met die volheid van God. (Efesiërs 3:19)
Die lewe is propvol verrykende ervarings. Niks kan egter ’n groter ervaring wees as om God in Christus te leer ken nie.
Die graad van hierdie kennis sal afhang van die kwaliteit van jou toewyding en oorgawe. God gee Homself aan almal wat Hom in waarheid aanneem.
Sy selfgawe kan alleen beperk word deur jou weiering om Hom volkome te aanvaar.
Om bewus te wees van God se inwonende teenwoordigheid, is ’n lewensveranderende ondervinding. Hierdie ervaring verhef jou gees tot ’n frisse benadering en jou daaglikse bestaan word vernuwe deur jou vervulling met die volheid van God – nou en vir altyd.
Here Jesus, omdat U in my woon, streef ek steeds daarna om U deur my lewe te vereer. Laat my toeneem in my kennis van en liefde vir U. Amen.
Dankie Here dat U in ons lewens is. Dankie vir al U genade en seëninge Here. Amen!
Here bly by my deur al die lewensstorms….U liefde omvou my
Dankie Vader dat U by my staan. Amen.