Gedagte vir die dag: ’n Lamp in die donker

olielamp_stiltetyd_pixabay.jpg

Foto: pixabay.com

Hierdie boodskap is soos ’n lamp wat in ’n donker plek skyn. Julle sal goed doen as julle in sy lig bly totdat die dag aanbreek en die môrester opkom in julle harte. (2 Petrus 1:19)

Jesus se verheerliking op die berg bevestig die profete se voorspellings oor die Messias wat sou kom, skryf Petrus.

Petrus moedig die lesers van sy brief (en ook vir ons) aan om in die lig van die evangelie boodskap te bly leef tot en met Jesus se wederkoms. Hierna beklemtoon hy dat dit die Heilige Gees is wat die woord van God verkondig – ons kan dit nooit met ons eie insig reg verstaan nie.

Die evangelieboodskap is vir jou soos ’n lamp in die donker. Met die insig wat die Heilige Gees vir jou gee, moet jy in daardie lig bly leef totdat Jesus eendag weer sal kom.

“Mense wat in die lig van die Woord lewe, sal op ’n dag ’n heerlike ondervinding van ’n nuwe daeraad by die wederkoms van die Here hê,” skryf Johan Smit (Wandel deur die Woord, p. 296). Mag dit ook vir jou waar wees!

Here Jesus, dankie vir die lig van u evangelie wat die donker uit my lewe verdryf en dit vir my moontlik maak om nou reeds uit te sien na u wederkoms. Amen.

Bron:
Geskenk van genade deur Nina Smit
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.