Soos dit in die Skrif staan: “Ek lê in Sion ’n hoekklip, uitgekies vir dié ereplek. Elkeen wat op Hom vertrou, sal nóóit verneder word nie.” (1 Petrus 2:6)
God die Vader, Seun en Heilige Gees is nie ’n konsultasiefirma wat ons nader om vir ons kundige advies te gee oor hoe om te leef nie. Die evangelie is nie iets waarvan ons leer en wat ons dan aanmekaarsit met verwysing na die vervaardiger se instruksies nie; dit is iets wat ons word namate God sy werk van skepping en verlossing in ons doen, en namate ons onsself aanpas by ’n lewe van geloof en gehoorsaamheid en gebed. ~ Eugene Peterson
Here, U het alles tot stand gebring waarvan ons weet, en ook alles waarvan ons eers sal weet wanneer ons in heerlikheid by U is. Help ons geloof, Here, en help ook ons ongeloof. Amen
Dankie Here, Amen!
Amen. Dankie dat U altyd daar is vir ons en ook dat U die enigste oplossing is.
Amen, Mag die Heilige Gees almal vervul om die weg van God te loop.
So-doende verander die lewe na iets wat lekker is. Die voorbereiding tot die ewige lewe.