Gedagte vir die dag: Neem Jesus se hand

hand-in-son-galleryhip-com

Foto: Galleryhip.com

Toe Jesus by Petrus se huis kom, sien Hy dat Petrus se skoonma met ’n hoë koors siek in die bed lê. Hy het haar hand aangeraak en die koors het haar verlaat. Sy het opgestaan en Hom bedien. (Matteus 8:14-15)

Petrus se skoonma was siek. Op sterwe. Totdat Jesus haar lewe binnegekom het. Totdat Hy haar hand geneem en vir haar gesê het om op te staan. Toe word haar liggaam gesond. Meer nog: Toe vind haar siel rus in die wete dat hierdie Jesus nie gekom het om sondaars te veroordeel nie, maar om mense met liefde te omarm, om gebrokenheid heel te kom maak, om stukkende mense weer krag te gee.

Vandag nog reik hierdie selfde Jesus ook uit na jóú hand – jou hart – omdat Hy jou meer wil gee as net gesond-wees: omdat Hy jou wil sien huppel oor die lewe. Beleef sommer net nou weer hoe die Man wat heelmaak met sagtheid in jou oë kyk. Hoe Hy jou met liefde ook deur dié dag wil lei.

Word vir ’n oomblik stil en bid: “Wanneer ek in U oë kyk, verkrummel my hart oor die teerheid waarmee U my beskou. Steek ek my hand na U uit, vind ek rus in u koesterende sterkte. Sit ek my oor teen u bors, vind ek vrede in u hartklop-van-genade. En luister ek mooi na U, sus u stem my met die woorde: Ek het jou sommer net lief.”

Vader, dankie dat ek in u onvoorwaardelike uitreik-liefde net kan wees.

Bron:
Jou voetpad na vrede deur Milanie Vosloo
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

2 Kommentare

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.