Gedagte vir die dag: Niks kan ons van sy liefde skei nie

landskap_stiltetyd.jpg

Foto: pixsbay.com

Een ding weet ek vas en seker: Niks kan ons ooit van Christus se liefde skei nie. Nie dood of lewe of engele of duiwelse magte nie; nie ons vrees vir vandag of ons kommer oor môre nie; ook nie bo-aardse magte nie. Ja, hoegenaamd niks sal ons ooit kan skei van die liefde wat God in Christus Jesus ons Here vir ons het nie. (Romeine 8:38, 39)

Gister se teksvers, saam met vandag s’n, moet onder die opskrif “liefde” gelees word. Wat ook al gebeur, hoe ek ook al voel, alles maar alles word oorskadu deur God se liefde vir my.

Dit is vir ons baie moeilik om slegte omstandighede met liefde te assosieer. Ons vereenselwig liefde met ’n gevoel van genoegdoening, tevredenheid, vervuldheid. Slegte omstandighede gaan gepaard met pyn, onrustigheid, ontwrigting. Wat het dit met liefde te doen? Dit het vir seker met liefde te doen, met God se lief de. Dis die liefde van ’n versorgende Vader. Dit is soos die liefde van ’n ma wat haar huilende kind styf teen haar vasdruk. Dis die liefde van omgee en vertroetel. Niks in die hemel of op die aarde kan ons van daardie Goddelike liefde skei nie.

Sodra ons oor God se liefde praat, dink ons aan Jesus. Ons sien God se liefde in die Persoon en werk van Jesus, tot daar waar Hy sy lewe vir ons aflê, uit liefde.

Bron:
By waters van rus deur Johan Smit
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

4 Kommentare

Anoniem ·

Ek is gister en vandag nie op ‘n goeie plek nie. Baie dankie vir hierdie stukkie – ek het dit so nodig gehad.

Loretta ·

Haleluja,Amen!! God is liefde,Hy waak oor ons met Sy liefde.Prys Sy Naam, met eer en sagmoedigheid. Dankie Jesus vir U kruishout met vol liefde!!!

Pieter Spire ·

Die woord “niks” is kommerwekend. Daar is uit die aard van die saak baie wat ons kan skei van sy liefde. Tragedies soos moord, diefstal, haat en familie-tragedie is enkele voorbeelde hiervan…

Helena Jooste ·

My vraag is net hoekom is ons dan so bang vir alles wat nou in die wereld gebeur want as ons hierdie versekering het is ons geloof dan so klein as ons bang is terwyl God vir ons se dat “Niks ons van Sy liefde kan skei nie” as ons se ons is Christine dan moet ons dit glo en uitleef

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.