Gedagte vir die dag: Nuwejaar

Argieffoto (Foto: africanreservations.com)

Argieffoto (Foto: africanreservations.com)

Die Here beskerm jou, die Here bewaar jou van alle gevare. Die Here sal jou beskerm teen alle gevaar, jou lewe sal Hy beskerm. Hy sal jou beskerm waar jy ook gaan, nou en vir altyd. (Psalm 121:5, 7-8)

Ons staan hier op die vooraand van ’n nuwe jaar; ’n nuwe jaar vol nuwe uitdagings en geleenthede.

Niemand van ons weet wat die toekoms inhou nie. Vir sommige mense sal dit droefheid inhou, vir ander weer ongekende vreugde. Vir sommige mense sal dit die einde beteken van ’n finansiële gesukkel, en vir ander sal die einde nog nie in sig wees nie. Baie mense sal nuwe lewentjies verwelkom en ander sal met groot hartseer geliefdes aan die dood moet afstaan. Ons weet eenvoudig nie wat vir ons wag nie.

Ons kan egter van een ding seker wees, en dit is dat God saam met ons is. Hy sal ons beskerm teen gevaar en ons veilig hou, nou en vir altyd.

Of die nuwe jaar nou vir jou vreugde of hartseer inhou, God is saam met jou. Moet nooit sy hand los nie, bly by Hom en weet Hy is jou God. Hy is by jou en sal jou nooit verlaat nie.

Bron:
Hoor die hartklop van God deur Andries Enslin
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

Een kommentaar

Magda ·

Baie dankie vir hierdie stukkies elke dag, soms in ons besige dag kom ek by die werk sonder om bybelstudie by die huis te doen.
Dis wanneer ek dan my tyd benut om dit dan te doen

Hou so aan

Het jy iets op die hart? Maroela Media se kommentaarfunksie is ongelukkig gesluit oor die Paasnaweek. Kom kuier gerus later weer!

Nuuswenke kan deur hierdie vorm gestuur word.