Sorg dat julle steeds groei in die genade en kennis van ons Here en Verlosser, Jesus Christus. (2 Petrus 3:18)
Hoe kan ’n mens lewe volgens God se plan en met vertroue die toekoms ingaan? Deur vir jouself en jou eie selfsugtige doeleindes te lewe, lei eenvoudig tot geestelike steriliteit. So kan jy nie geestelik groei en vrug dra nie. Die antwoord lê daarin om te groei in jou kennis en die genade van Christus. Dit is slegs moontlik wanneer jy ’n nuwe lewe aanneem deur weergeboorte en die middelpunt van jou lewe van jou self af na God toe verskuif. Jy bereik dit deur jouself volkome oor te gee aan God. Dit is God se genade wat jou verplant uit die arm grond van sonde en selfgesentreerdheid na goeie grond waarin jy vrug dra deur die Gees.
Genadige Vader, bewaar my deur die krag van Jesus van my eie selfsugtige planne. Amen.
Dankie Here dat U my liefhet