Gedagte vir die dag: Ongelowige Tomas

Assisi_Le-Colombe_Sonsopkoms_Annelize-Brits.jpg

Foto: Annelize Brits

Geseënd is hulle wat nie sien nie, en tog geglo het. (Johannes 20:29)

Job was een van die eerste mense in die Ou Testament wat gesê het: “Maar ek, ek weet dat my Verlosser leef, en dat Hy aan die einde op die aarde sal staan” (Job 19:25). Job het geweet wat dit beteken om in die lewende God te glo.

Ons kan Christene wees en steeds twyfel aan die volheid van die evangelie. Tomas was ’n dissipel wat Jesus baie liefgehad het, maar hy was tog nie ten volle oortuig dat Jesus werklik God, ons Verlosser, was nie. Tomas het gesê: “As ek nie die merk van die spykers in sy hande sien en my vinger in die spykermerke steek en my hand in sy sy steek nie, sal ek nóóit glo nie” (Johannes 20:25). Toe Tomas Jesus sien, was hy die eerste om Jesus te erken as Here en God, maar Jesus sê vir hom: “Glo jy nou nadat jy klaar gesien het? Geseënd is hulle wat nie sien nie, en tog geglo het” (vers 29).

As Christene kan ons in dieselfde strik as Tomas trap – ons glo net tot op ’n punt. As jy die volheid van God in jou lewe wil sien, moet jy ’n algehele gelowige wees. Elke woord is waar. Jesus kom terug; en daar lê ’n heerlike toekoms vir ons voor.

Here God, ek wil nie soos ’n ongelowige Tomas wees wat net glo wat ek kan sien nie. Ek wil soos Job wees en seker wees van wat vir my voorlê. Help my om te glo en u woord te aanvaar. Amen.

Bron: Vrede in sy teenwoordigheid deur Angus Buchan
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

3 Kommentare

Fanie Hattingh ·

Dit trek soos n magneet aan, jy kan net ophou lees nie

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.