Foto: pixabay.com
Toe ek Hom sien, het ek voor sy voete neergeval soos ’n lyk. Hy het sy regterhand op my gelê en gesê: “Hou op om bang te wees, Ek is die Eerste en die Laaste, en die Lewende.” (Openbaring 1:17-18)
Sowel die Skrif as tyd, alles wat in die skepping plaasvind, is deel van die openbaring van Christus, van wie Hy is en hoekom Hy is wie Hy is.
Deur die hele Skrif sien jy dat hierdie openbaring telkens aan elke individuele hart gemaak word, aan elke individuele lewe van dié wat Hom ken. Christus is eerstens bekend as die Seun van die Mens, maar word dan onthul as Christus, die Seun van God. Mense volg Christus die man. Maar wanneer hulle die verheerlikte Christus sien, wanneer hulle die opgestane Christus, die Verlosser, sien, val hulle by sy voete neer. Dít is God!
Bid dat Hy Hom aan jou sal openbaar as God. Bid vir ’n ontvanklike hart. Bid dat jy Hom sal herken en dat jy ook onmiddellik by sy voete sal neerval.
Baie dankie!!