Gedagte vir die dag: Stap goed weg

sonsopkoms_vrou_stiltetyd_pixabay.jpg

Foto: pixabay.com

Laat dit vir julle ’n saak van eer wees om rustig te lewe, met julle eie sake besig te wees en met julle eie hande te werk. Hierdie riglyne het ons al vroeër aan julle gegee sodat die buitestanders agting vir julle leefstyl sal kry, en julle in geen opsig gebrek sal ly nie (1 Tessalonisense 4:11-12)

Ons jare hier op aarde is vol eindes en beginne. Nuwe rigtings en vars lewensemesters. Ons reis neem ons na plekke waarvan ons nie eens gedroom het nie.

As jy aan die einde van iets gekom het – en November is gewoonlik vol allerhande soorte eindes – sluit dit goed af. As jy op die punt staan om nuwe dinge te ervaar, doen dit met oorgawe. Wanneer ons enigiets agterlaat, behoort daar blydskap in ons te wees, nie skuldgevoelens, angstigheid, verskonings of regverdigings nie. Daar behoort blydskap te wees, want ons het goed en lig gereis. Daar behoort blydskap te wees, want ons is opgewonde oor en sien met verwagting uit na die volgende deel van ons reis.

As jy nou aan die einde van iets gekom het en net wrewel of uitputting of bitterheid of woede of verligting voel, doen dan wat jy kan om reg te maak met die mense wat betrokke is. Knoop die los punte saam van wat jy in hierdie tyd of op hierdie plek inmekaargeweef het, so netjies en stewig as wat jy kan.

Vader-God, help my om met grasie, dankbaarheid, waardigheid en groot liefde weg te stap of totsiens te sê of neer te sit wat ek dra. Help my om eer te gee aan wie dit toekom. Amen.

Bron: Reis lig deur die lewe deur Dalene Reyburn
Uitgewer: Christelike Uitgewersmaatskappy/CUM

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ’n vrywillige bydrae. Onthou – ons nuus bly gratis.

Maak 'n bydrae

Nou pra' jý

3 Kommentare

Johan ·

Dankie Here dat U in ons lewens is. Dankie vir al U genade en seëninge Here. Amen !

O wee, die gesang is uit! Die kommentaar op hierdie berig is gesluit. Kom kuier gerus lekker verder saam op ʼn ander artikel.