Gedagte vir die dag: Swaarkry gaan verby, en dan …

Om hierdie rede gee ons nie moed op nie. Al is ons uiterlike mens besig om te vergaan, innerlik word ons vandag tot dag vernuwe. Ons swaarkry op die oomblik is gering en tydelik, maar dit bewerk vir ons ’n heerlikheid wat alles verreweg oortref en vir altyd vas sal staan. (2 Korintiërs 4:16, 17)

In die loop van die maand het ons baie duidelik verstaan dat die Bybel nie ’n flatervrye, pynlose lewe vir God se kinders waarborg nie. Ek raak benoud as mense met ’n welvaartsgodsdiens vorendag kom waar alles maar net voorspoedig vir Christene moet verloop. Dit werk nie so nie. Die Bybel bied talle voorbeelde van net die teenoorgestelde. Die enigste verskil is die manier waarop Christene hulle swaarkry verwerk. Ons benader dit nie fatalisties nie. Ons sug nie skouerophalend en sê dat dit nou maar seker ons lewenslot is nie. Ons sien dit positief as ’n leerskool waardeur die kwaliteit van ons geloof gelouter word.

Maar nog meer: Ons sien dit as iets wat verbygaan onderweg na ’n ewige en onverganklike heerlikheid wat die Here vir ons belowe het. Ons raak nie wanhopig nie, al is die uiterlike besig om te vergaan; ons bly hoopvol omdat ons innerlik besig is om al hoe sterker te word.

Bron:
By waters van rus deur Johan Smit
Uitgewer: Christelike Uitgewersmaatskappy

ondersteun maroela media só

Sonder Maroela Media sou jy nie geweet het nie. Help om jou gebalanseerde en betroubare nuusbron se toekoms te verseker. Maak nou ʼn vrywillige bydrae. Onthou – ons nuus bly gratis.

Maak 'n bydrae

Een kommentaar

Dries ·

Ons harte kan vol vreugde wees , want ons weet wat wag op ons en dit sal! gebeur!. ons kan daarom die lewe se probleme en hartseer met vrede in ons harte verwerk.

O wee, die gesang is uit! Kommentaar word ná 48 uur op ʼn artikel op Maroela Media gesluit. Kom kuier gerus verder op ʼn meer onlangse artikel.