Foto: Eugene Lottering
Waarlik, sy toorn duur net ’n oomblik, maar sy goedheid lewenslank. (Psalm 30:6)
God word nie vir lank kwaad nie, maar sy troue liefde vir sy kinders duur vir altyd. Met sy kruisdood verdien Jesus vir ons God se vergifnis sodat God nie meer vir ons kwaad word oor ons sonde nie. Tog vrywaar God sy kinders nie van swaarkry nie.
Wanneer daar donker tye in jou lewe kom, kan jy op God vertrou. Hy is altyd daar om jou te troos en vir jou uitkoms te gee. Sy woede duur ’n klein rukkie, maar sy goedheid is lewenslank joune.
Jesus is by uitstek die lydende Kneg van die Here wat ons pyn verstaan, wat saam met ons en namens ons daaronder gebuk gaan. ~ Johan Cilliers
